Софья Берульцева және Нұрқанат Әжіханов каратэден әлем чемпионатының қола жүлдегерлері
Дубай қаласында өтіп жатқан каратэден әлем чемпионатында қос қазақстандық каратеші қола жүлдеге қол жеткізді.
Токио Олимпиадасының қола жүлдегері 68 келі салмақ дәрежесінде Софья Берульцева сербиялық Ивана Перовичті жеңіп, құрама қоржынына алғашқы жүлдені салды.
75 келіде өнер көрсететін Нұрқанат Әжіханов қола жүлде үшін таласта бельгиялық қарсыласынан басым түсіп, әлемдік доданың қола жүлдегері атанды.
Естеріңізге сала кетейік 50 келіде Мөлдір Жаңбырбай және 60 келіде Қайсар Алпысбай қола үшін таласта қарсыластарын есе жіберген.
Ертең Қазақстан ерлер құрамасы қола жүлде үшін таласқа түседі.
