Қазақстандық боксшылар Тайландтағы халықаралық турнирде өнер көрсетеді
Пхукет (Таиланд) қаласында «Thailand Open» халықаралық турнирі өтіп жатыр. Аталған турнирге қазақстандық былғары қолғап шебрлері қатысуда. Бүгін жарыстың үшінші күнінде бірқатар ширек финалдық кездесу жоспарланған.
Санатәлі Төлтаев (63 келі) - Чу-Эн Лай (Қытайлық Тайпей)
Сұлтан Мусинов (63 келі) - Ву Тан Дат (Вьетнам)
Асланбек Шымбергенов (69 келі) - Маржон Пианар (Филиппин)
Тимур Нұрсеитов (75 келі) - Сумит (Үндістан)
Аятулла Такижанов (75 келі) - Борворн Кадамнуан (Таиланд)
Сағындык Тоғамбай (91 келі) - Нгуйен Ман Куон (Вьетнам)
Айбек Оралбай (91 келі) - Гаурав Чаухан (Үндістан)
Ұлттық құраманың көшбасшылары Сәкен Бибосынов (52 келі) пен Серік Теміржанов (57 келі) 1/4 финалдық кездесуін 6 сәуір күні өткізеді. Сонымен қатар ертеңгі жарыс күнінде жартылай финалдан жарыс жолын Нұрбек Оралбай (81 келі) бастайды.
